உனக்கே மகளாகும் வரம் தா...

மனதிற்குள் ஒரு சஞ்சலம் !
சிகையில் நரை !
சோர்ந்த கண்கள் !
வேலை செய்தே தேய்ந்த கரம் !
இவை எல்லாம்....
" உனக்கு வயதாகி விட்டதோ ? "
காலத்தின் வேகத்தை,
உண்மையை உணர்த்துகின்றனவோ ?

வலி பொறுத்து உயிர் கொடுத்தாய் எனக்கு !

ஆசையாய் அழைத்து,
அன்பாய் முத்தமிட்டு,
அமைதியாய் உன் மடியில் தலை வைத்து,
ஆறுதலாய் என் முடி கோதி விடும் உன் கரம் பிடிக்கயில்....
அக்கணமே...
அக்கணமே என்னுயிர் பிரிந்தாலும் கவலை இல்லை !

இனி...
உனக்கு மட்டுமே மறுபடியும் மகளாக,
உன் மடியில் என் தலை சாய,
உளமார விழைகிறேன் !
எனக்குத் தெரியும்,
இல்லையென்று சொல்லாத உன் மனம் !
வரம் கேட்கிறேன் !
என்றென்றும்....
உனக்கு மட்டுமே மகளாக!

-வரம் வேண்டும் உன் அன்பு மகள்.....
ஸ்வர்ணா.